بدون عنوان ..!

بسم الله الرحمن الرحيم ..

مرحبا شباب ..

كيف الاحوال ؟؟

ان شاء الله بخير ..

طبعا اليوم مفيش حاجة في دماغي اكتبها لكم بصراحة ..

عشان كده هنعمل عنوان الموضوع بدون عنوان

امبارح نمت الساعة 2 بليل عشان ارسم ام لوح الرسم الهندسي عشان انهارده كان اخر يوم لتسليم اعمال الرسم الهندسي اللي المفروض نعملها الشهر اللي فات

طبعا اخوكوا في الله افتكر ان وراه واجبات منيلة بستين نيلة بعد ما كتبت التدوينة بتاعت امبارح ...

واضطررت اقعد 5 ساعات متواصلة عشان ارسم ويطلع عين ...... (كملوا انتوا الفراغ بقا )

المدونة دي متراقبة من قبل مخابرات امن منزلنا

نرجع لحوارنا ..

رحت الكلية انهارده وانا نايم ..

مش عارف ازاي دخلت الكلية ..

حتى رجل الامن وهوا بيقولي طلع الكارنيه طلعت الكارنيه من ظهره من الناحية الفاضية

وتم دخول الكلية بسلام و الحمدلله ..

بعد ما دخلت طبعا الشباب لازم يهزروا معاك الهزار الخفيف ..

واحد يزقك .. التاني يرخم عليك ..

يخلوا عفاريت الظهر تتنطط جوا عينيك ويطيروا النوم من عينك وتبدأ تصحصح

رحنا وقفنا في طابور العيش ..

قصدي طابور تسليم اللوح ..

طبعا صاحبكوا يا اما ياخد بيتا او الفا ماينس ..

يعني ماشي الحال ..

بعدين نقعد نلف حوالين نفسنا شوية في الكلية ..

لغايت ما نلاقي المدرج بتاع الدكتور اللي هيشرح فيه رياضيات ..

دكتور الرياضيات يدخل ويكتب 1999 مسألة ع السبورة في كسر اقل من الثانية

>> افتكاسة قديمة وملهاش معنى .. انا عارف شعوركوا من غير ما تقولوا

ده كان تعبير عن ضخامة المحاضرة و البلاوي اللي بتنكتب ع السبورتين ..

صحيح نسيت اقولكوا

في المدارس زمان كان عندنا سبورة واحدة ..
انما في الكلية عندنا سبورتين لازقين في بعض ..

عشان الدكتور ياخد راحته شوية في الكتابة و يكسروا ادينا احنا كمان ..

بعد كده الدكتور خلص و مشي وسابنا ..

الطلاب تفرقوا الى عدة مجموعات ..

مجموعة روحت البيت ..

مجموعة خرجت تشم نفسها برة ..

مجموعة فضلت الجلوس مكانها في المدرج ..

انا طبعا كنت مخنوق من نفسي كالعادة ...

رحت خرجت برة اشم نفسي واتفرج على الملاعب اللي بيلعب فيها الناس الفاضية بتاعت الكليات الفاضية اللي مبيحضروش محاضرات

الفرجة عليهم بتجيب اعاقة في المخ وشلل في الانف بسبب التخلف في لعب الكورة ..

الواحد يرجع وهوا نفسه مسدودة كالعادة للمحاضرة ..

يدخل علينا 3 دكاترة للفيزياء >> يا فتاح يا عليم يا رزاق يا كريم

عاملين زي العصابة

كل واحد يقول اللي نفسه فيه ..

محدش بيفهم اي حاجة كالعادة ..

ثم نخرج من المحاضرة ونحن في قمة السعادة والخنقة ..

ازاي الاتنين مع بعض ؟؟

مش عارف بصراحة

على فكرة انا بكتب وانا نايم ..

محدش يحاسبني على الاخطاء الاملائية ..

بعد كده ركبنا الباص اللي المفروض يرجعنا البيت ..

رجع من طريق تاني غير الطريق بتاعنا ..

انا قعدت اقول لنفسي يمكن انا نايم بس ولا حاجة .. لأني كنت تعبان ..

لقيت نفسي مش نايم ..

قمت رحت سألت العم حسن :

اي يا عم حسن .. انت غيرت الخريطة ولا ايه ؟؟

لا يا حبيبي .. بس انا بجرب طريق تاني

ههههههههه

بيجرب الطريق فينا احنا

هوا ده اللي كان ناقص

رجعت البيت .

مسكت اللابتوب ..

فتحت المنتدى ..

اهلي حواليا عمالين يقطموا فيا

قوم من على الجهاز ..

وانا مكبر (الجي) كالعادة

فتحت المدونة ..

كتبت الموضوع لكم ..

وانتهت فصة اليوم ... والتي كانت بعنوان بدون عنوان)

اتمنى اني اكون خنقتكم زيادة كالعادة

ونشكر لكم حسن قراءتكم

وسلامتكم

---------------------------------------- (التؤؤؤقيع) ----------------------------------------
<div style="text-align: center;">!.. جآآآآري انشاء توقيع ..! <br><br><br></div>

» موقع مثل الفوتوشوب بدون تحميل
» املا الفراغات بالعضو المناسب(بدون زعل
» اكثر من 3000 نكته تموت من الضحك اقرء بدون انتهاء (متجدد)

بدون عنوان ..!

مواضيع مماثلة

مواضيع مماثلة

بدون عنوان ..! :: تعاليق

بدون عنوان ..!