=================================================================
=اضربها طبنجة
-يعنى ايه؟؟
=يعنى لما الدنيا تديك ضهرها ادي ضهرك للدنيا
-برضه مش فاهم
=يعنى حاول تنسى
-أنسى ايه بس؟؟؟انت بتزاولنى؟
=أزاولك ليه..بص عشان ظروفك الخاصة أنا هفهمك بالراحة:
معنى كلامى.. مش كل ما يتعلم عليك
تشيل جوا نفسك
مش لازم تبقى غلاوى
حاول تستحمل
حاول تاخد العلقة وتقول كمان
متحاولش تاخد بتارك عشان كده هتتعب اكتر ...هتقعد تغل فى روحك
وتشيل هموم الدنيا والاخرة
وفى الاخر
هتاخد كمان علقة محترمة
يبقى ليه تجيب لنفسك الكلام؟؟؟
خدها من قاصرها واعمل نفسك مش واخد بالك يا نايتى
خد القفا
وارفع الياقة بتاعة التشيرت عشان ميبانش قفاك وهو
احمرمش لازم تعمل نفسك أبو السبع رجالة
عشان ميجيلكش مرض نفسى
ومش كل ما تاخد علقة تعملك موضوع من مفيش وتعمل زيطة وزنبليطة
ارمى همومك ورى ضهرك خصوصا الشهر الجاى ده
عشان حبة الغيظ والحمقة اللى جواك هتحتاجهم جامد اوى الشهر اللى بعده لما الامتحانات تخلص
ونرجعليك يابومبة
واقرى الاغنية دى كويس أوى وحطها انت وكل نايتى حلق فى ودانك
هكونا مطاطا ... غنوه نغمها لذيذ هكونا مطاطا .. انسي الماضي الي يغيظ أنساه والمستقبل أديه كل التركيزهذا هو البهريز السنتفيسهكونا مطاطا
الرئيسية 
