يوم عادي وفاضي :)

**ahmedalaa**

بسم الله الرحمن الرحيم

يوم السبت ..

احد ايام الشتاء الدافئة ..

الجو لطيف جدااا و الشوارع زحمة ومليييئة بالناس

كله خارج من البيت وعايز يطفش في اي نصيبة عشان يغير جو معتقل المنزل

صحيح

نسيت احكيلكوا على حكاية معتقلات المنازل

بعد ما انفلونزا البطيخ

قصدي الخنازير

بدأت تنتشر

انتوا عارفين بقا الامهات في مصر

اوعى تخرج من البيت -- اوعى تسلم على حد -- اوعى تبص يمين -- اوعى تبص شمال

اوعى تروح الحمام

كل حاجة ممكن تبقى شبهة للتعرض للمرض او فيها شك 1 من مليون في المية ممنوع تقرب منها

وهنا نشأت معتقلات المنازل

وبدأت الامهات تمنع اولادهم من الخروج من المنزل لأي ظرف من الظروف

مفيش خروج الا لبائع الينسون .. عشان بيقولوا ان الينسون بيدي مناعة قوية ضد انفلونزا لخنازير

بصراحة الموضوع ده بقا مأساة فعلا

كل الناس بقت خايفة من اي حاجة في اي حاجة

ومحدش مدرك لغاية دلوقتي ان الحكاية دي فكس * فكس من اولها لأخرها

كل ده عشان يروجوا لعقار تعبان .. وبيقولوا ان اعراضه الجانبية منيلة بستين نيلة

لكن هنعمل ايه ...

مفيش غير حل واحد نقدر نعمله

ان معظم الطلاب يرفضوا اخذ العقار ..

هوا لغايت دلوقتي موصلش الاكاديمية بتاعتنا

بس مسيره هيوصل

بس قبل ما تاخده بيبقى عندك اوبشن ..

اذا رفضت هيكون ده على مسؤوليتك الشخصية

وطبعا دي حرية شخصية لكل واحد فينا

انا عن نفسي رافض مبدأ العلاج

وبفضل معتقل المنزل عن اني اخد علاج مش عارف اضراره ممكن توصل لفين

ببساطة ده كان شوية فضفضة انهارده

الى اللقاء في التدوينة القادمة ان شاء الله

---------------------------------------- (التؤؤؤقيع) ----------------------------------------
جآآآآري انشاء توقيع ..!

يوم عادي وفاضي :)

يوم عادي وفاضي :) :: تعاليق

يوم عادي وفاضي :)